Stephen King - Bag of Bones (Kemik Torbası)

Artıq Stephen King qələmindən çıxmış beşinci romanı da bitirdim və məncə oxuduqlarım içində paylaşılması gərəkən romanlardan biri idi. Stephen King barədə bu 5 romandan öyrəndiyim iki vacib şey var mənə görə.

1. Adam inanılmaz dərəcədə dahidi, dəhşətə salacaq dərəcədə Dahi
2. King əl işi olan romanları ard-arda ikidən artıq oxumaq çox güclü psixi soyuqqanlılıq tələb edir. Öz adıma çox soyuqqanlı birisi olduğumu deyə bilərəm, amma mən beləikinci romandan sonra çox çətinlik çəkdim. Nə qədər çəkici olsa belə buna tab gətirmək çətindi.

Bag of Bones Stephen Kingin 1998ci ildə ərsəyə gətirdiyi bir romandır. Əsər həmin il ən yaxşı roman nominasiyasında Bram Stoker mükafatını qazanmışdı.

Bu roman Stephen Kingin oxuduqlarım içində ən yaxşılardan idi. Əsərdə məşhur yazar Michael Noonan ölmüş həyat yoldaşından sonra yazmaq qabiliyyətini itirir. Hər dəfə bircə sətir belə yazmağa çalışan zaman çox ağır psixi krizə giri və keçirdiyi bu psixi sarsıntı onu yazmaq qabiliyyətindən uzaqlaşdırır. Amma yoldaşı Johanna Noonanın ölümü ilə bağlı bəzi müəmmalar var. 10 illik evlilikləri müddətində övlad axtarışında olmalarına baxmayaraq, Jo həmin vaxt hamilə olub və bunu Michael dən gizlədib.. ikinci evləri olan Sara Laughs a Michael a xəbər vermədən uzun müddət gedib və üzv olduğu bütün dərnəklərdən imtina edib.. Michael in yuxularından çıxmayan ev-Sara Laughs öz kabus görüntüləri ilə yazarı öz yanına çağırır. Sanki bütün sualların cavabı həmin evdədir.
4 illik tənha həyatdan, gecə kabuslarından sonra Michael nəhayət Sara Laughs a gedir. Amma bu ev heç də Michael ın düşündüyü kimi 4 il kimsəsiz qalan sadə bir ev deyil. özündə 100 illik gizli

hadisələri saxlayan bir evdi. Və Michael ın ətrafını dairə şəklində bürüyən bütün hadisələr bir-biri ilə bağlıdı.. 

Roman qorxu janrında oxumağı sevən hər bir oxucunun ağlını başından ala biləcək bir əsərdi. King in bu mükəmməl romanı mükəmməl çəkiciliyi, insanın qanını donduran anlatım şəkli və gecələr arxanıza bir daha dönüb baxmanıza səbəb olacaq qədər həyəcan verici şəkli ilə səhifələri arxa arxaya çevirmənizə səbəb olacaq. 

2011-ci ildə kitabın TV filmi versiyası 2 seriyalıq şəkildə ekranlara çıxdı. Əvvəlcə ssenarisi film üçünnəzərdə tutulsa da, vergi probləmləri səbəbindən TV filmi şəklində yayınlandı. Rejissoru Stephen Kingin The Stand, çox sevdiyim  kitablardan olan və filmində baş rolda təcrübəli aktyor Jack Nicholson olan The Shining kimi kitablarının ekranlara çıxmış variantına da öncüllük etmiş Mick Garris olan filmdə hamımızın James Bond filmlərindən yaxşı tanıdığımız Pierce Brosnan(Michael Noonan), Melissa George(Mattie Devore), Annabeth Gish(Jo Noonan) kimi aktyorlar çıxış edir.

Hər birinizə xoş qiraətlər və xoş izləmələr. :)


Və bu da filmin tanıtım çarxı. :)