Qısa filmlərə kiçik bir maraq salmışam, ona görə istədim ki, bunu da sizinlə paylaşım. :)
İnsanlar öz hisləri ilə fərqlənən varlıqlardı. Bizi biz edən ətrafımızdakı olaylara verdiyimiz emosianal rükasiyalardı. Ən şirini isə sevgidi əlbəttə. Sevən bir insan bu dünyaya tamamən başqa baxır. Musiqilər fərqli gəlir qulağa sanki. Daha duyğulandıran, daha xatırladan. Ən olmazın şeyləri belə darıxmaq üçün bir bəhanə kimi qəbul edir insan.
Keçdiyiniz küçələrdə əvvəllər görmədiyin şeylərin fərqinə varırsan birdən birə. Gülüş heç silinməz bir şeyə çevrilir üzdən. Həqiqətən aşiq olan birisinin gülüşü çox gözəl olur. Hansı şəxsiyyətdə olur olsun, insanların məsum olduğu, mərhəmmət və bütün yaxşılıqları haqq etdiyi an sevdiyi andı məncə.
Gözləməyin də ən şirin halı sevdiyini gözlədiyin andı. %, 10, 15 dəqiqə sonra qarşında olacaq insanı düşündükcə qəlbin sanki boğazına qədər gəlmiş olur. döyüntüsü qulaqlarını batırır. Tez-tez boğazını təmizləyirsən sanki ətrafdakıların eşitməsini bunla önləyəcəkmişsən kimi. Nəfəsin tıxanır. sinəndən qulaqlarına doğru bir istilik yayılır. Yanında olanda nə deyəcəyini, necə söhbətə başlayacağını, ya da necə gülümsəsən daha incə görünəcəyini düşünmədən qalmaq olmur.
Sevgi insanın ruhunun danışıq dilidi. Sevgi ayaqların yerdən kəsildiyi andı. Sevmək yaşamaq deməkdi. Və qətiyyən qəbul etmirəm sevginin mütləq incidəcək bir şey olduğunu. Həyaatda mütləq xoşbəxtlik yoxdu və Sevmədən yaşanılan həyat da həyat deyil. Sevgi bütün ağrıların bir parçanmış kimi özündən qopara bilməmənə səbəb olan şeydi. Əgər incitməsə dəyərini bilməz insan. Rahatlaşar, laqeyd olar. Ona görə aşiq olmaq insana mübarizə edəcək bir şeylər qazandırır.
Sevgi əlimizə keçibsə onu əldən buraxmaq olmaz. Amma ən gözəl sevgi sevilərək sevməkdi. İnsanlar iki cür olur məsələ sevmək olanda. Sevdirənlər və sevməyi sevdirənlər. Çox az sevgi var ki, ruhumuzu o qədər aydın şəkildə cismimizdən azad edir ki, öz sevişindən belə həzz alacaq həddə çatır insan.
Bu qısa filmdə sərhəd tanımayan sevgiyə bir misal verilib sadəcə. Soyuq havada insanın içini isidən hekəayələrdən. Sözlərin heç cür ifadə edə bilməyəcəyi sevgidən. İşarələrin ifadə edə biləcəyi sevgidən.
Daim sevmənizi diləyirəm. Bir gözəl insan sayəsində oxumuşdum bunu: " Qış sevginin fəslidi. Mərhəmətsiz qış sabahlarından öncə hər kəsin ayaqlarını isitmək üçün birinə ehtiyacı var. Qış əslində iki nəfərlik bir fəsldir. Yuxu qoxulu yorğanlar, bir birinə qarışan yuxular, sayıqlamalarla oyandırdığın biri və gecənin ortasında onun gülən üzü... Bu bir-birinə qısılmanın mövsümüdür. Qış: Bir insanın başqa bir insan üçün yaradıldığının sübutu..!"
Xoş İzləmələr..)
Comments
Post a Comment